ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
ДУШАНБЕ, 14.10.2026 /АМИТ «Ховар»/. Роҳбарияти вилояти Суғд дар шаҳри Хуҷанд бо фаъолият ва вазъи омодагии Беморхонаи шаҳрии рақами №2, Беморхонаи клиникавии шаҳрии №1 ва таваллудхонаҳои шаҳрӣ ва вилоятӣ ба давраи тирамоҳу зимистони солҳои 2026-2027 шинос гардид. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Аснои боздид роҳбари вилоят вазъи омодагии муассисаҳои тиббиро ба давраи тирамоҳу зимистон мавриди таваҷҷуҳ қарор дод.
Тавре иттилоъ дода шуд, муассисаҳои тиббӣ барои фасли сармо бо ангишт, ҳезум ва дигар маводи зарурии сӯхт таъмин буда, дар онҳо низоми муосири гармидиҳӣ мавриди истифода қарор дорад.
Ҳамзамон дар муассисаҳои тиббӣ бо мақсади беҳтар намудани имконияти ташхису табобат биною иншооти нав сохта, таҷҳизоти муосири тиббӣ дастрас гардидаанд.
Раиси вилоят ба масъулин дастур дод, ки омодагии муассисаҳои тандурустиро ба фасли зимистон ҳамаҷониба таъмин намуда, маводи сӯхтро самаранок истифода баранд ва ба баланд бардоштани сатҳу сифати хизматрасонии тиббӣ, беҳтар намудани шароити будубоши беморон ва ҳифзи саломатии модару кӯдак таваҷҷуҳи махсус зоҳир намоянд.
Омодагии соҳаҳои иҷтимоию иқтисодии вилояти Суғд ба давраи тирамоҳу зимистони солҳои 2026-2027 таҳти назорати роҳбарияти мақомоти иҷроияи ҳокимияти давлатии вилоят қарор дорад.
АКС: Хадамоти матбуоти Раиси вилояти Суғд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Ҳамкории Тоҷикистон бо Гурҷистон дар такмили низоми нафақа густариш меёбад
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
