«Саноатсодиротбонк» ғолиби ҷoизаҳои байналмилалии «Беҳтарин лоиҳаҳои рушди иқтисодӣ – 2026» гардид
ДУШАНБЕ, 21.10.2026 /АМИТ «Ховар»/. Корхонаи воҳиди давлатии бонки саноативу содиротии Тоҷикистон «Саноатсодиротбонк» сазовори ҷоизаҳои байналмилалии Ассотсиатсияи институтҳои рушд дар Осиё ва минтақаи Уқёнуси Ором (ADFIAP) дар доираи озмуни «Беҳтарин лоиҳаҳои рушди иқтисодӣ – 2026» гардид.
Тавре ба АМИТ «Ховар» аз Корхонаи воҳиди давлатии бонки саноативу содиротии Тоҷикистон «Саноатсодиротбонк» хабар доданд, Бонк дар номинатсияи «Фарогирии молиявӣ» ҷойи аввалро ишғол намуда, дар номинатсияи «Рушди соҳибкории хурду миёна» соҳиби ҷоизаи дараҷаи фахрӣ гардид.
Ҷоизаи аввал дар номинатсияи «Фарогирии молиявӣ» натиҷаи фаъолияти самараноки Бонк дар самти васеъ намудани дастрасии соҳибкорон ба хизматрасониҳои молиявӣ мебошад. Аз ҷумла, дар соли 2025 тавассути маҳсулоти қарзии «Имконият» зиёда аз 1 500 соҳибкори хурди ватанӣ аз минтақаҳои гуногуни кишвар дастгирӣ ёфтанд.
Ҷоизаи фахрӣ дар номинатсияи «Рушди соҳибкории хурду миёна» саҳми назарраси Бонкро дар дастгирии соҳибкорӣ ва рушди иқтисоди миллӣ инъикос менамояд. Дар натиҷаи фаъолияти Бонк дар соли 2025 ба соҳибкорон маблағгузории назаррас пешниҳод гардида, барои таъсиси зиёда аз ҳазор ҷойҳои нави корӣ замина фароҳам оварда шуд.
Ин дастовардҳо аз эътирофи байналмилалии фаъолияти «Саноатсодиротбонк» шаҳодат дода, садоқати Бонкро ба навоварӣ, дастгирии ташаббусҳои иҷтимоиву иқтисодӣ ва беҳтар намудани дастрасии соҳибкорони ватанӣ ба маблағгузорӣ тасдиқ менамоянд.
Дар бонк таъкид карданд, ки «Саноатсодиротбонк» дар оянда низ барои саҳмгузорӣ дар рушди иҷтимоиву иқтисодии Ҷумҳурии Тоҷикистон, дастгирии соҳибкорони ватанӣ ва васеъ намудани имкониятҳои маблағгузории имтиёзнок кӯшишҳои худро идома хоҳад дод.
АКС: Корхонаи воҳиди давлатии бонки саноативу содиротии Тоҷикистон «Саноатсодиротбонк»
Маълумотнома
Ассотсиатсияи институтҳои молиявии рушд дар Осиё ва минтақаи уқёнуси Ором (ADFIAP) иттиҳодияи бонкҳои рушд ва дигар институтҳои молиявии дорои фаъолияти маблағгузории соҳаи воқеии иқтисодиёт дар Осиё ва уқёнуси Ором мебошад. Ассотсиатсия соли 1976 таҳти сарпарастии Бонки Осиёии Рушд таъсис ёфта, айни замон аз 97 ташкилоти аъзо аз 42 кишварро муттаҳид менамояд.
Даромади буҷети давлатии Тоҷикистон барои соли 2027 80,1 миллиард сомонӣ пешбинӣ шудааст
ПУЛИ МИЛЛӢ –«СОМОНӢ». Банкнотаҳои он на танҳо воситаи пардохт, балки бозтоби таърих, фарҳанг, дастовардҳо ва ҳувияти миллии Тоҷикистон мебошанд
Дар Душанбе Конфронси байналмилалӣ оид ба зеҳни сунъӣ — AICONF-2026 оғоз гардид
ТАЪРИХИ ПАЙДОИШИ АСЪОРИ МИЛЛӢ. Эҳтироми пули миллӣ эҳтироми миллат аст!
ҚУРБИ АСЪОР: 1 доллари ИМА аз 9.1400 то 9.2165 сомонӣ муқаррар шудааст
Дар Остона Конфронси байналмилалии иқтисодии Фонди авруосиёии субот ва рушд баргузор гардид
Байни Тоҷикистон ва БАТР ба маблағи беш аз 62 миллион евро созишномаҳои қарзию грантӣ ба имзо расиданд
Пагоҳ ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамоти гумруки ИДМ баргузор мешавад
Дар Душанбе ҷаласаи 25-уми RILO-Москва баргузор гардид
Муовини Сарвазири Тоҷикистон бо вазъи корҳои саҳроӣ дар ноҳияи Зафаробод шинос шуд
Агентии омор: «Дар Тоҷикистон шумораи субъектҳои хоҷагидор зиёд шудааст»
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
