انتصاب کادرهای جدید در چند نهاد انتظامی کشور

امامعلی رحمان، بنیانگذار صلح و وحدت ملی – پیشوای ملت، رئیس جمهوری تاجیکستان گروه کادر‌های به سمت های جدید انتصاب‌شده در وزارت دفاع، وزارت کشور، کمیته دولتی امنیت ملی و سرریاست نیروهای مرزبانی را برای صحبت به حضور پذیرفت.

در اساس مصوبه حکومت جمهوری تاجیکستان فرهاد واحداف، معاون رئیس کمیته دولتی امنیت ملی،  عزت الله فیض الله اف، معاون اول سردار سرریاست نیروهای مرزبانی و همزمان سردار سرستاد نیرو های مرزبانی کمیته دولتی امنیت ملی جمهوری تاجیکستان و در موافقه با رئیس جمهوری تاجیکستان شام الدین شریف اف، سردار ریاست کمیته دولتی امنیت ملی در استان ختلان و مرادعلی خدای‌بردیف،    سردار ریاست آمادگی جنگی سرریاست نیروهای مرزبانی کمیته دولتی امنیت ملی جمهوری تاجیکستان انتصاب شدند.

همچنین نمایندگان وزارت دفاع و وزارت کشور در سازمان‌های بین‌المللی، از جمله سازمان پیمان امنیت ‌جمعی و وابسته‌های نظامی در چند کشور جهان تعیین گردیدند .

امامعلی رحمان، بنیانگذار صلح و وحدت ملی – پیشوای ملت، رئیس جمهوری تاجیکستان در جریان  صحبت با کادر‌های به سمت‌های ‌مسئول انتصاب‌شده آنها را به کار و خذمت صاف‌دلانه و صادقانه هدایت نموده، حفظ شایسته از منافع دولت و ملت، صداقت به خلق و وطن، اجرای وظیفه‌های خذمتی و بلند برداشتن مهارت و  ملکه كسبی و  زباندانی و تربیه کادر‌های جوان را در مد اول گذاشت .