امامعلی رحمان تغییرات کادری انجام داد

امامعلی رحمان، بنیانگذار صلح و  وحدت ملی – پیشوای ملت، رئیس جمهوری تاجیکستان روز پنجشنبه در سطح راهبری مقامات اجرائیه محلی حاکمیت دولتی یک عده ناحیه‌های استان های ختلان و سغد و دانشگاه دولتی طبی تاجیکستان به نام ابوعلی ابن سینا تغییرات کادری وارد نمود.

همچنین وابسته به تاسیس مؤسسه دولتی تعلیمی موسوم به “دانشگاه دولتی طبی ختلان” مصوبه ویژه حکومت جمهوری تاجیکستان تصویب گردید.

بر اساس ماده 69 قانون اساسی جمهوری تاجیکستان با فرمان رئیس جمهوری تاجیکستان سلیمان‌زاده اکرم رحیم از سمت رئیس ناحیه عبدالرحمان جامی استان ختلان برکنار و به سمت اجرا‌کننده رئیس ناحیه اسپیتامن استان سغد منصوب شد.

بهادور‌زاده عبدالجبار ستار اجرا‌کننده وظیفه رئیس ناحیه عبدالرحمان جامی تعیین گردید. طبق فرمان رئیس جمهوری تاجیکستان خواجه‌زاده عارف عشوری با سبب به کار دیگر گذشتن از وظیفه رئیس ناحیه اسپیتامن استان سغد برکنار ‌گردیده، در موافقه با رئیس جمهوری تاجیکستان معاون رئیس استان سغد تعیین گردید.

در اساس مصوبه حکومت جمهوری تاجیکستان قربان عبیدالله عبدالله با سبب به کار دیگر گذشتنش از سمت رئیس دانشگاه دولتی طبی تاجیکستان به نام ابوعلی ابن سینا برکنار کرده شده، به جای او گل‌زاده محمدشاه قربانعلی منصوب شد.

در اساس مصوبه دیگر حکومت کشور با هدف بهبود تامین مؤسسه‌های طبی شهر و ناحیه‌های مملکت با متخصصان دارای تحصیلات عالی کسبی طبی مؤسسه دولتی تعلیمی موسوم به “دانشگاه دولتی طبی ختلان” تاسیس یافته، قربان عبیدالله عبدالله به ریاست آن منصوب شد.