تعیینات کادری در دادستانی کل، وزارت کشور و کمیتة مالیات

امامعلی رحمان، بنیانگذار صلح و وحدت ملی- پیشوای ملت، رئیس جمهوری تاجیکستان روز سه شنبه  یک گروه کادرهای به سمت‌های جدید انتصاب شده در دادستانی کل، وزارت کشور و کمیتة مالیات وابسته حکومت جمهوری تاجیکستان را برای صحبت به حضور پذیرفت.

با مصوبه حکومت جمهوری تاجیکستان معاون رئیس کمیتة مالیات وابسته حکومت جمهوری تاجیکستان و در موافقه با رئیس جمهوری تاجیکستان رئیس ریاست تشکیل کار و نظارت اجرایه دادستانی کل جمهوری تاجیکستان و معاون اول دادستان استان بدخشان تعیین گردیدند.

اینچنین دادستان های ناحیه راشتقلعه استان بدخشان، ناحیه باختر استان ختلان، ناحیه‌های کان‌بادام و ظفرآباد استان سغد و ناحیة شاهمنصور شهر دوشنبه انتصاب شدند.

به سمت مدیران شعبه‌های امور داخلی ناحیه رودکی، ناحیه‌های فردوسی و شاهمنصور شهر دوشنبه، شهر قرغانتپه، ناحیه‌های قبادیان و همدانی استان ختلان، شهرهای گلستان و بوستان استان سغد و ناحیه درواز استان بدخشان کادرهای جوان و کارآزموده تعیین گردیدند.

امامعلی رحمان، بنیانگذار صلح و وحدت ملی- پیشوای ملت، رئیس جمهوری تاجیکستان ضمن صحبت با کادرهای به سمت‌های مسئول انتصاب شده، آنها را به کار و خدمت صاف‌دلانه و صادقانه هدایت نموده، حفظ شایسته از منافع دولت و ملت، صداقت به ملت و وطن، اجرای وظایف خذمتی و بلند برداشتن مهارت و ملکه کسبی را در مد اول گذاشت.