مجلس حکومت جمهوری تاجیکستان برگزار شد

امروز در راس بنیان‌گذار صلح و وحدت ملی – پیشوای ملت محترم امامعلی رحمان، رئیس جمهوری تاجیکستان، رئیس حکومت مملکت مجلس نوبتی حکومت جمهوری تاجیکستان برگزار گردید.

در نشست گزارش وزیر معارف و علم جمهوری “در باره برنامه دولتی تأمین مؤسسه‌های تحصیلات عمومی جمهوری با اتاقهای فنی و آزمایشگاه های مجهز تعلیمی برای سالهای 2018-2022” و “در باره لایحه قانون جمهوری تاجیکستان “در باره وارد نمودن تغییرات به قانون جمهوری تاجیکستان” “در باره تحصیلات عالی کسبی و تحصیلات کسبی پس از مؤسسه عالی تعلیمی” شنیده شد.

تأکید گردید، که برنامه دولتی تأمین مؤسسه‌های تحصیلات عمومی جمهوری با اتاق های فنی و آزمایشگاه های مجهز تعلیمی برای سالهای 2018-2022 در اساس پیام رئیس جمهوری تاجیکستان “در باره سمتهای اساسی سیاست داخلی و خارجی جمهوری تاجیکستان” از 23 ژانویه سال 2015 تهیه گردیده، یکی از اهداف اساسی تصویب برنامه بهبود بخشیدن کیفیت آموزش فنون دقیق و طبیعت‌شناسی در مؤسسه‌های تعلیمی می‌باشد.

محترم امامعلی رحمان برای تطبیق باثمر برنامه به وزارت معارف و علم، مقامات مرکزی حاکمیت دولتی دستور دادند، که برنامه مذکور را در چهارچوب مبلغهای برای عرصه معارف ‌سالیانه پیش‌بینی‌شده و از حساب دیگر منابع مبلغ‌گذاری طبق ترتیب مقررگردیده عملی نمایند.

سپس، اعضای حکومت دیگر مسائل روزنامه مجلس، از جمله “در مورد لایحه قانون جمهوری تاجیکستان “در باره وارد نمودن تغییرات به قانون ‌مالیات جمهوری تاجیکستان”، “در باره کمیته وضع اضطراری و مدافعه‌ شهروندی وتبسته دولت تاجیکستان”، “در باره برنامه امور آماری برای سال 2018” و “در باره برنامه دولتی آماده کردن متخصصان عرصحه‌های فرهنگ، صنعت و طبع و نشر جمهوری تاجیکستان برای سالهای 2018-2022” را بررسی کردند.

وابسته به اجرای برنامه دولتی اماده کردن متخصصان عرصه‌های فرهنگ، صنعت و طبع و نشر جمهوری تاجیکستان برای سالهای 2018-2022 محترم امامعلی رحمان، رئیس جمهوری تاجیکستان به مسئولین عرصه جهت آماده کردن کادرهای بلنداختصاص در داخل و خارج کشور و با این راه تأمین مؤسسه‌های فرهنگ جمهوری، از جمله تئاترها، کتابخانه‌ها، موزه ‌ها و شعبات فرهنگ شهر و نواحی دستور دادند.

مسائل مربوط به طرح ژنرالی روستای قلعه خمب، مرکز ناحیه درواز استان بدخشان، طرح ژنرالی شهرک بوستان ناحیه مستچاه استان سغد و طرح ژنرالی روستای بهار- مرکز ناحیه ناصر خسرو استان ختلان رئیسان این نواحی  گزارش دادند.

محترم امامعلی رحمان برای تطبیق طرح‌های ژنرالی به رهبران مقامات اجرائیه حاکمیت دولتی نواحی و دیگر وزارت و اداره‌های ذی دخل دستور دادند.

در پایان نشست بنیان‌گذار صلح و وحدت ملی – پیشوای ملت محترم امامعلی رحمان، رئیس جمهوری تاجیکستان، رئیس دولت تاجیکستان به دولت تاجیکستان، رهبران شهر و نواحی کشور، وزارت و اداره‌های دولتی بر ضرورت اجرای دستورات نشست دولت تاکید کردند.

در نشست دولت تاجیکستان نتیجگیری از فعالیت تمامی بخشهای کشور در پایان سال 2017، ذخیره مواد غذای، تأمین بازارهای کشور با محصولات نیاز اول، اجرای کاشت مزارع، تطبیق تدابیر مربوط به آبادانی پایتخت، اینچنین اجرای طلبات مربوط به زمستان سالهای 2017-2018 و استفاده عاقلانه نیروی برق، داده شد.