پیشوای ملت نظامنامه جدید شورای جمعیتی را تصدیق کردند

بنیانگذار صلح و وحدت ملی، پیشوای ملت محترم امامعلی رحمان، رئیس جمهوری تاجیکستان نظامنامه جدید شورای جمعیتی را تصدیق کردند.

در بیست سال فعالیت خود شورای جمعیتی تاجیکستان، که محترم امامعلی رحمان، رئیس جمهوری تاجیکستان ریاست آن را بر عهده دارند، مکالمه بین مقامات حاکمیت دولتی و جامعه شهروندی، احزاب سیاسی، اتحادیه‌های جمعیتی، سازمان های غیردولتی، اتفاق های ایجادی، سازمانهای دینی و دیگر اتحادیه‌های جمعیتی را تأمین نمود و به تحکیم پایه‌های وحدت ملی کمک رسانیده، وظایف تاریخی خود را اجرا کرد.

حالا 77 سازمان جمعیتی اعضای شورای جمعیتی می‌باشند.

بر اساس نظامنامه تکمیلشده به وکالت های شورا تعییرات جدید وارد گردیدند. طبق آنها شورا گزارش شوراهای جمعیتی استان بدخشان، استانها، شهر دوشنبه و شهر و نواحی را بررسی می‌کند، اجرای مشخص توصیه‌ها، بیانیه‌ها، لایحه اسنادی، که در نشست‌های شورا تصویب می‌شوند، تأمین می‌نماید.

نظامنامه تکمیلشده به شورای جمعیتی جمهوری تاجیکستان امکان می‌دهد، که همچون شریک بااعتماد دولت فعالیتش را وابسته به تحولات زمان معاصر به راه ماند، توجه خود را به حل مسائل مهم اقتصادی، اجتماعی، متحدسازی جامعه شهروندی، توسعه روند دموکراسی جامعه و ادامه‌ مکالمه آزاد میان مقامات اجرائیه حاکمیت دولتی و جامعه شهروندی روانه گرداند.