اشتراک پیشوای ملت امامعلی رحمان در طنطنه‌های عیدانه جشن استقلالیت دولتی در “نوروزگاه” پایتخت

روز 9 سپتامبر بنیان‌گذار صلح و وحدت ملی-پیشوای ملت محترم امامعلی رحمان، رئیس جمهوری تاجیکستان با رستم امامعلی، رئیس شهر دوشنبه در طنطنه‌های باشوکوه عیدانه جشن 27-مین سالگرد استقلالیت دولتی، که در “نوروزگاه” پایتخت برگزار گردید، اشتراک و سخنرانی کردند.
در مراسم عیدانه شماره زیاد ساکنان پایتخت و مهمانان خارجی اشتراک نمودند.

مورد ذکر است، که ساکنان نواحی شهر دوشنبه جشن 27-مین سالگرد استقلالیت دولتی را با موفقیت های بی‌نظیر استقبال گرفتند. تنها دوام یک سال آخر پایتخت کشور شهر دوشنبه با بنیاد انشائات گوناگون، گلگشت و خیابانها، میدانچه‌های ورزشی، ازنوسازی باغ های فرهنگی و تفریحی و غیره سیمای تازه به بر کرد. همه این پیشرفت ها با جانبداری مردم از سیاست سازنده حکومت کشور و تلاشها و تدابیر رهبریت مقامات اجرائیه حاکمیت دولتی شهر دوشنبه به دست آمده است.

محترم امامعلی رحمان، رئیس جمهور کشورمان ضمن سخنرانی کل شهروندان جمهوری، هم‌وطنان برون‌مرزی، ساکنان پایتخت کشور صاحب‌استقلالمان و مهمانان را به افتخار جشن مقدس ملی-بیست و هفتمین سالگرد استقلالیت دولتی جمهوری تاجیکستان صمیمانه تبریک و تهنیت گفتند.

سرور دولت تأکید داشتند، که در دوران صاحب‌استقلالی خرد و بزرگ کشور برای تقویت پایه‌های دولتداری نوین خود با عزم و تلاش وطن‌دوستانه زحمت می‌کشند.

پیشوای ملت محترم امامعلی رحمان از آن اظهار خوشحالی کردند، که در سالهای صاحب‌استقلالی سیمای پایتخت دولت تاجیکان-شهر دوشنبه بکلی دگرگون شده، در نتیجه زحمت اهلانه و وطن‌دوستانه ساکنان و صاحبکاران و تاجران باننگ و ناموس آن عملهای آبادانی و سازندگی وسعت تازه کسب نموده است. اظهار اطمینان کرده شد، که ساکنان پایتخت منبعد نیز با حس بلند شهروندی و افتخار وطنداری کارهای آبادانی را وسعت بیشتر می‌بخشند و شهر دوشنبه را به مکان واقعا بهشت‌آسا، شهر زیبا و پیشرفته تبدل می‌دهند.

با همین آرزو و نیت های نیک در آخر سرور دولت محترم امامعلی رحمان بار دیگر مردم شریف تاجیکستان و همه ساکنان پایتخت را به افتخار جشن استقلالیت دولتی تبریک گفته، به همه آنها سلامتی و سربلندی، اقبال نیک و روزگار پرفیض آرزو کردند.

طنطنه‌های جشن استقلالیت دولتی در نوروزگاه پایتخت با برنامه رنگین و پرمحتوای کنسرتی استادان صنعت و هنرمندان، که تجسمگر دستاوردهای دوران صاحب‌استقلالی کشور بود، خوش و خاطرمان ادامه‌ یافت.