ایگور دودون: تاجیکستان واقعا ذخایر بزرگ هدروانرژی است و ما می‌توانیم در استفاده آنها و بنیاد ساختمان های خرد و بزرگ انرژی همکاری داشته باشیم

امروز ایگور دودون، رئیس جمهوری مالداویا، که جهت اشتراک در نشست شورای سران کشورهای اعضای اتحادیه کشورهای مستقل در جمهوری تاجیکستان قرار دارد، از نیروگاه برق آبی “نارک” دیدن نمود.

مهمان بلندپایه را در درامدگاه نیروگاه برق آبی “نارک” با صمیمیت ویژه و رعایه عنعنه‌های نیک مهمان‌نوازی ملت تاجیک استقبال نمودند.

هیئت مهمانان طبیعت دلفریب و ناتکرار موضع نیروگاه را تماشا نموده، با فعالیت این نیروگاه تاجیکستان شناس شدند.

نیروگاه برق آبی “نارک” پس از صاحب‌استقلال گردیدن جمهوری تاجیکستان در زمینه سیاست سازنده بنیان‌گذار صلح و وحدت ملی-پیشوای ملت محترم امامعلی رحمان، رئیس جمهوری تاجیکستان با معاصرترین تجهیزات مجهز و نوسازی گردیده است.

هنگام بازدید ایگور دودون، رئیس جمهوری مالداویا ابراز داشت، که جمهوری تاجیکستان واقعا دارای ذخایر بزرگ هدروانژی بوده، تاجیکستان و مالداویا می‌توانند در استفاده ذخایر هدروانرژی و بنیاد ساختمان های خرد و بزرگ انرژی همکاری داشته باشند.