پیشوای ملت امامعلی رحمان نمایندگان نهادهای گوناگون کشوررا با جوایز دولتی تقدیر کردند

29 اوت در کاخ ملت بنیان‌گذار صلح و وحدت ملی-پیشوای ملت محترم امامعلی رحمان، رئیس جمهوری تاجیکستان در آستانه جشن 28-مین سالگرد استقلالیت دولتی جمهوری تاجیکستان یک عده  نمایندگان نهادهای گوناگون کشوررا با جوایز دولتی و رتبه‌های نظامی تقدیر کردند.

قبل از آغاز مراسم تقدیر جوایز دولتی محترم امامعلی رحمان، رئیس جمهوری تاجیکستان حضار را به مناسبت فرارسی جشن 28-مین سالگرد استقلالیت دولتی جمهوری تاجیکستان صمیمانه تبریک گفته، اظهار داشتند که فعالیت پرثمر و صادقانه فرزندان باننگ و ناموس ملت همیشه مورد تقدیر قرار می گیرند.

همین طور برای دستاوردهای بالای تولید و تجارت، فعالیت مؤثر در خدمت ملکی و توسعه علم و فرهنگ کشور، سهم قابل توجه در حمایت از حقوق مشروطه شهروندان، مبارزه با جرم و جرایم، حفظ نظم عمومی و شجاعت و فداکاری 160 نفر کارمند عرصه علم و فرهنگ، تولید کالا و خدمت ملکی و دیگر عرصه ها از جانب محترم امامعلی رحمان، رئیس جمهوری تاجیکستان با جوایز دولتی جمهوری تاجیکستان، از جمله مدال “زرینتاج” درجه یک، مدال “شرف” درجه 2، مدال “جسارت”، مدال “خدمت شایسته”، مدال “شفقت”، مدال “مرزبان شجاع تاجیکستان”، عنوان افتخاری “شاعر خلق تاجیکستان”، “ارباب علم و تکنیک تاجیکستان”، “هنرپیشه شایسته تاجیکستان”، “کارمند شایسته تاجیکستان”، افتخارنامه جمهوری تاجیکستان، رتبه‌های نوبتی و جایزه “اسماعیل سامانی” تقدیر شدند.

در پایان مراسم باشکوه تقدیر جوایز پیشوای ملت محترم امامعلی رحمان، رئیس جمهوری تاجیکستان بار دیگر یکایک اشخاصی را که برای فعالیت موثر در توسعه جامعه از جانب رهبریت دولت و حکومت کشور با جوایز دولتی تقدیر شدند، صمیمانه تبریک گفتند.