وزیر امور خارجه تاجیکستان با رئیس مجلس نمایندگان افغانستان دیدار کرد

دوشنبه، 01.03.2021 /”خاور”/. امروز، سراج الدین مهرالدین، وزیر امور خارجه جمهوری تاجیکستان با میررحمان رحمانی، رئیس مجلس نمایندگان جمهوری اسلامی افغانستان در شهر دوشنبه دیدار و گفتگو کرد.

به گزارش “خاور” به نقل از وزارت امور خارجه جمهوری تاجیکستان، در جریان این دیدار اوضاع منطقه و افغانستان روند مذاکرات بین افغانستان، روابط تاجیکستان و افغانستان در زمینه های مختلف، به ویژه تقویت همکاری بین پارلمانی بحث و بررسی شد.

طرفین خاطرنشان كردند كه مبارزه مشترک با تروریسم، افراط گرای و قاچاق مواد مخدر حوزه مهم همکاری بین دو كشور است. تاکید شد که برای از بین بردن عواقب بیماری کرونا همکاری و مشارکت بین دو کشور باید افزایش یابد.

تاجیکستان از تلاش های دولت افغانستان برای تامین امنیت و صلح و ثبات در این کشور پشتیبانی می کند. در این راستا، طرف تاجیکی از روند گفتگوهای صلح بین الافغانی در دوحه استقبال می کند. طرف تاجیکستان امیدوار است که گفتگوهای صلح بین الافغانی پایه ای محکم برای برقراری صلح و ثبات در این کشور ایجاد کند.

تاجیکستان به خوبی از نقش اساسی افغانستان در تامین امنیت در منطقه آسیای میانه آگاه است و همیشه از ابتکارات سازنده جامعه جهانی برای تامین صلح و ثبات در افغانستان و بازسازی اقتصادی و اجتماعی آن حمایت کرده است.

اشاره شد که تاجیکستان و افغانستان در چارچوب سازمان های بین المللی و منطقه ای، مانند سازمان ملل متحد، سازمان همکاری شانگهای، سازمان همکاری اسلامی و سایر سازمان ها با موفقیت همکاری می کنند.

طرفین از سطح بالای روابط سیاسی و بین پارلمانی بین دو کشور ابراز رضایت کردند.