امامعلی رحمان، رئیس جمهور جمهوری تاجیکستان با محمد اشرف غنی، رئیس جمهور جمهوری اسلامی افغانستان گفتگوی تلفنی انجام دادند

دوشنبه، 04.07.2021 /”خاور”/. امروز بنیانگذار صلح و وحدت ملی – پیشوای ملت محترم امامعلی رحمان، رئیس جمهور جمهوری تاجیکستان با محمد اشرف غنی، رئیس جمهور جمهوری اسلامی افغانستان گفتگوی تلفنی انجام دادند.

در جریان این گفتگو سران هر دو کشور روند پیشرفت نگران کننده اوضاع نظامی و سیاسی در افغانستان را بررسی کردند.

توجه ویژه به وخیم شدن اوضاع در مناطق شمالی هم مرز با تاجیکستان و افغانستان صورت گرفت.

پیشوای ملت با ابراز نگرانی موارد جدید عبور اجباری مرزهای دولتی تاجیکستان و افغانستان توسط سربازان کشور همسایه را به رئیس جمهور افغانستان اطلاع داد.

در عین حال تاکید شد که موضع قوی تاجیکستان در مورد اوضاع افغانستان ناشی از عدم مداخله در امور داخلی این کشور و پشتیبانی کامل از تلاش های دولت رسمی این کشور برای برقراری صلح، ثبات و امنیت در این کشور همسایه است.

در همین رابطه، رئیس جمهور کشورمان خاطرنشان کردند که تاجیکستان به عنوان همسایه افغانستان، همیشه به صلح و ثبات در این کشور علاقه مند بوده و همچنان در این موقعیت ثابت قدم خواهد بود و از همه تلاش ها برای پیشبرد گفتگوهای صلح بین الافغانی پشتیبانی می کند.

در جریان گفتگوی تلفنی طرفین در مورد سایر مسائل روابط دوجانبه، از جمله در زمینه امنیت، با تاکید بر لزوم تامین امنیت مرزها تبادل نظر کردند.