عمران خان، نخست وزیر پاکستان پس از مذاکرات طولانی با امامعلی رحمان، رئیس جمهور جمهوری تاجیکستان مذاکرات خود را با طالبان آغاز کرده است

دوشنبه، 20.09.2021 /”خاور”/. پاکستان گفتگو با اعضای جنبش رادیکال طالبان را برای تشکیل دولت فراگیر در افغانستان آغاز کرده است. این را عمران خان، نخست وزیر پاکستان در توییتر خود اعلام کرده است.
وی خاطرنشان کرده است که دولت افغانستان باید شامل نمایندگان ملیت های مختلف باشد.
عمران خان تاکید کرد که مذاکرات خود با طالبان را پس از گفتگوی طولانی با امامعلی رحمان، رئیس جمهور جمهوری تاجیکستان آغاز کرده است.
وی گفت: من گفتگو با طالبان را در مورد ایجاد یک دولت فراگیر در افغانستان با مشارکت تاجیک ها، هزاره ها و ازبک ها آغاز کرده ام.

نخست وزیر پاکستان گفت که چنین ترکیب کابینه وزیران به ایجاد صلح و ثبات در این کشور کمک می کند.

وی افزود که این تغییر نه تنها به نفع افغانستان، بلکه به نفع کل منطقه است.
همانطور که آژانس ملی اطلاعاتی تاجیکستان “خاور” پیشتر گزارش داده بود، در نشستی در دوشنبه در تاریخ 17 سپتامبر، امامعلی رحمان، رئیس جمهور جمهوری تاجیکستان و عمران خان، نخست وزیر پاکستان توافق کردند که بین طالبان و نمایندگان جبهه مقاومت ملی افغانستان در تاجیکستان مذاکره کنند. رئیس جمهور تاجیکستان در یک کنفرانس مطبوعاتی در مورد نتایج مذاکرات با نخست وزیر جمهوری اسلامی پاکستان اشاره کردند که تاجیک ها و دیگر اقوام باید در یک دولت فراگیر جایگاه شایسته ای داشته باشند.
رئیس جمهور کشورمان گفتند: این تنها راه تضمین صلح و ثبات در افغانستان است.