نماینده تاجیکستان در سازمان ملل متحد بر ضرورت ارائه کمک های بشردوستانه مستقیم به مردم افغانستان تاکید کرد

دوشنبه، 18.10.2021 /”خاور”/. در تاریخ 15 اکتبر، جانبیک حکمت، نماینده دائم جمهوری تاجیکستان در سازمان ملل متحد با عمر عبدی، معاون اجرایی صندوق کودکان سازمان ملل متحد (یونیسف) دیدار کرد.

به گزارش “خاور” به نقل از وزارت امور خارجه جمهوری تاجیکستان، در این دیدار طرفین در مورد مسائل همکاری بین تاجیکستان و یونیسف بحث و توجه ویژه ای به روند توسعه برنامه جدید یونیسف در تاجیکستان و سازماندهی یک رویداد جانبی در چارچوب کنفرانس آب دوشنبه در سال 2022 ظاهر کردند.

گسترش بیشتر مشارکت بین تاجیکستان و یونیسف برای تقویت مقاومت در برابر تروریسم نیز مورد بحث قرار گرفت.

در مورد وضعیت کنونی حقوق بشر، به ویژه حقوق زنان و دختران در افغانستان تبادل نظر صورت گرفت و بر اهمیت ارائه کمک های بشردوستانه فوری به مردم افغانستان و تقویت همکاری های بین المللی برای جلوگیری از فاجعه انسانی در این کشور تاکید شد.