امامعلی رحمان، رئیس جمهور جمهوری تاجیکستان بر ایجاد حکومت فراگیر منافع و نمایندگان همه اقوام در افغانستان مجددا تاکید کردند

دوشنبه، 21.12.2021. / “خاور” /. امامعلی رحمان، رئیس جمهور جمهوری تاجیکستان گفتند که ما بر این باوریم که تنها راه رسیدن به ثبات و امنیت در افغانستان، اتحاد همه مردم و ایجاد حکومت فراگیر منافع نمایندگان همه ملت‌ها و نیروهای سیاسی است.
رئیس جمهور کشورمان امروز با اعلام این مطلب در پیام سالیانه خویش به کجلس عالی جمهوری تاجیکستان تاکید کردند که تاجیکستان همیشه جانبدار صلح و ثبات سیاسی در کشورهای همسایه خود است تا ما بتوانیم با آنها در فضای حسن همجواری و همکاری سازنده زندگی کنیم. به همین دلیل است که تاجیکستان به عنوان نزدیک ترین همسایه افغانستان نمی تواند نسبت به تقدیر مردم رنج دیده افعانستان بی تفاوت باشد.
پیشوای ملت افزودند: مایلم دوباره تاکید کنم که مردم افغانستان با ظرفیت های سیاسی، تمدنی، تاریخی، فرهنگی و اجتماعی شان باید بر حال و آینده خود مسلط شوند. به عبارت دیگر ساختار دولت و نحوه اداره کشور باید با اراده و نظر مردم این کشور تعیین و تثبیت شود.
همانطور که می دانیم، امروز افغانستان، متاسفانه پس از ظهور جنبش رادیکال طالبان در ماه اوت سال جاری، با یک بحران عمیق سیاسی و انسانی مواجه است که می تواند عواقب جدی درازمدت داشته باشد.
لازم به ذکر است که امامعلی رحمان، رئیس جمهور جمهوری تاجیکستان از نخستین روزهای موضع گیری در قبال مسئله افغانستان، تشکیل دولت فراگیر را تنها راه برون رفت از بحران کنونی افغانستان اعلام کردند.