به دستور پیشوای ملت، امامعلی رحمان کمک های بشردوستانه تاجیکستان امروز به مردم پاکستان ارسال شد

دوشنبه، 07.09.2022 /”خاور”/. به دستور پیشوای ملت، امامعلی رحمان، رئیس جمهور جمهوری تاجیکستان کاروان خودروهای حامل کمک‌های بشردوستانه برای مردم جمهوری اسلامی پاکستان راهیی این کشور شد.
این کمک های بشردوستانه شامل 500 تن آرد، 500 تن آب آشامیدنی، 1000 تن زغال سنگ، 1000 تن سیمان و 2000 قطعه تخته سنگ است که وزن کل آن بیش از 3000 تن و مبلغ آن 12 میلیون و 200 هزار سامانی است.
بر اساس دستور مذکور، ساختارها و نهادهای ذیربط کشور موظف شدند کمک های بشردوستانه اختصاص یافته را به خاک جمهوری اسلامی پاکستان برسانند.

لازم به تاکید است که اقدام مذکور نشانه سیاست بشردوستانه و حسن نیت رئیس دولت تاجیکستان است.
امروز مردم جمهوری اسلامی پاکستان به دلیل بارندگی شدید و جاری شدن سیلاب که بیش از یک ماه است با مشکلات جدی مواجه هستند.
در اثر بلایای طبیعی در پاکستان 1265 نفر جان باختند و 33 میلیون آسیب دیدند.
همچنین بیش از یک میلیون خانه، جاده و پل، سایر تاسیسات زیربنای و زمین های کشاورزی به طور کامل تخریب شد.