پتانسیل مناطق آزاد اقتصادی تاجیکستان در سوئیس مورد بررسی قرار گرفت

دوشنبه، 15.12.2022 /”خاور”/. در تاریخ 14 دسامبر، در شهر ژنو سوئیس، در حاشیه “اجلاس همکاری های موثر برای توسعه 2022″، ملاقات عبدالرحمان عبدالرحمان زاده، معاون وزیر توسعه اقتصادی و تجارت جمهوری تاجیکستان با توفیق حنفی، دبیر دولتی وزارت برنامه ریزی توسعه اندونزی برگزار شد. در جریان این ملاقات پتانسیل مناطق آزاد اقتصادی تاجیکستان و جذب سرمایه گذاری مورد بحث قرار گرفت.
در این دیدار طرفین در خصوص گسترش روابط دوجانبه در حوزه‌های اقتصادی و تجاری، جذب سرمایه‌گذاری و سایر موضوعات مورد توجه طرفین تبادل نظر کرده، تاکید کردند که جمهوری تاجیکستان و جمهوری اندونزی فرصت‌های فراوانی برای تقویت و گسترش بیشتر روابط در زمینه های مختلف دارند.
طرفین آمادگی خود را برای توسعه همکاری ها در حوزه های یاد شده اعلام کردند و توافق کردند در آینده نزدیک جلسه ای به صورت ویدئو کنفرانس برای ارائه فرصت های کشورها برگزار کنند.