کمک های بشردوستانه تاجیکستان به مردم زلزله زده افغانستان راهی این کشور شد

دوشنبه، 18.10.2023 /”خاور”/. بر اساس دستور بنیانگذار صلح و وحدت ملی، پیشوای ملت، امامعلی رحمان، رئیس جمهور محترم جمهوری تاجیکستان، کمک های بشردوستانه امروز برای مردم زلزله زده افغانستان ارسال شد.
کمک‌های بشردوستانه شامل لباس‌ و کفش‌های زمستانی، مواد غذای، مصالح ساختمانی، چادر، کیسه خواب و پتوی زمستانی، آب آشامیدنی و سایر موارد ضروری برای زندگی بوده، به حدود 3 هزار و 300 تن می‌رسد.
کمک های بشردوستانه به مردم آسیب دیده افغانستان از طریق 130 کامیون به افغانستان ارسال می شود و این یک نمونه عالی از مراقبت و حمایت مستمر بنیانگذار صلح و وحدت ملی، پیشوای ملت، امامعلی رحمان، رئیس جمهور محترم جمهوری تاجیکستان از مردم کشور همسایه تاجیکستان است.
این در حالی است که صبح 7 اکتبر زلزله ای به بزرگی 6.3 ریشتر در ولسوالی های شمال غرب شهر هرات رخ داد. در نتیجه بیش از 2400 نفر جان باختند.
به گفته اداره مدیریت بلایای محلی، بیش از 600 خانه و 13 روستا تخریب شده و تعداد قربانیان این زلزله به 10000 نفر رسیده است.
بعدها یک سلسله زمین لرزه در افغانستان رخ داد که در نتیجه آن تعداد زیادی کشته و زخمی شدند.