Дар Ӯзбекистон ҷаласаи навбатии Шӯрои вазирони корҳои хориҷии СҲИ баргузор мегардад
Душанбе, 17.10.2016 /АМИТ «Ховар»/. Рӯзҳои 18-19 октябр дар шаҳри Тошканд таҳти раёсати Ӯзбекистон иҷлосияи 43-юми Шӯрои вазирони корҳои хориҷии кишварҳои аъзои Созмони ҳамкории исломӣ /ШВКХ СҲИ/ доир мегардад. Дар ин бора рӯзи ҷумъа муовини вазири корҳои хориҷии Ӯзбекистон Ғайрат Фозилов зимни нишасти хабарӣ бахшида ба ин чорабинӣ иттилоъ дод.
Бино ба гуфтаи ӯ, вазирони корҳои хориҷии 26 кишвари аъзо иштироки худро дар ин ҷаласа расман тасдиқ кардаанд. Дар кори ҷаласа Дабири кулли СҲИ Иёд бин Амин Маданӣ, президенти гурӯҳи Бонки исломии рушд Бандар Ҳажжор, сафирони махсуси кишварҳои назди СҲИ ва инчунин намояндагони як зумра созмонҳои байналмилалӣ иштирок хоҳанд кард.
Дар соли равон ШВКХ СҲИ таҳти шиори «Таъсис ва шукуфоӣ — роҳ ба сӯи сулҳ ва созандагӣ» мегузарад.
СҲИ моҳи сентябри соли 1969 созмон ёфта, имрӯз 57 кишварро ба ҳам овардааст. Ёдовар мешавем, ки Ҷумҳурии Тоҷикистон шурӯъ аз 1 декабри соли 1992 аъзои ин созмон мебошад.
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
5 август дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
«Интернет барои хона» ҳудудҳои навро дар Душанбе фаро мегирад
Дар шаҳри Панҷакент ҳашари экологии «Тозагии маҳал» гузаронида шуд
Имрӯз дар Тоҷикистон ҳаво тағйирёбандаи бебориш мешавад
ТАҚВИМИ АМИТ «ХОВАР»: имрӯз 4 август, душанбе, 216-умин рӯзи соли 2025 аст
Кумитаи рушди сайёҳӣ бахшида ба Рӯзи ҷаҳонии сайёҳӣ озмун эълон менамояд
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид
Имрӯз дар Тоҷикистон ҳарорати ҳаво ба 39 дараҷа мерасад
