Месси, Роналдо ва Гризман -cе муддаӣ барои унвони беҳтарин футболбози ҷаҳон дар мавсими соли 2016 аз ҷониби FIFA
Душанбе, 5.12.2016 /АМИТ «Ховар»/. Мессии аргентинагӣ, Роналдои португалӣ ва Антуан Гризамани фаронсавӣ ба рӯйхати муддаиён ба унвони беҳтарин бозингари ҷаҳон дар мавсими соли 2016 аз ҷониби FIFA пешниҳод шуданд. Дар ин бора сомонаи www.fifa.com хабар медиҳад.
«Ғолиби унвон 9 январ дар маросими бошукӯҳе, ки дар шаҳри Тсюрихи Швейтсария барпо мегардад, расман эълон хоҳад шуд. Месси дар ҳайати дастаи «Барселона» ғолиби унвони чемпионӣ ва Ҷоми Испания гардидааст. Дар ҳайати дастаи мунтахаби Аргентина Месси дар Чемпионати Амрикои Ҷанубӣ то бозии ниҳоӣ расида, аз дастаи мунтахаби Чилӣ мағлуб шудааст»,-хабар дод манбаъ.
Ҳамлагари дастаи «Реал»-и Мадрид Криштиано Роналдо дар мавсими соли гузашта соҳиби Ҷоми чемпионҳои Аврупо гардида, дар бозии ниҳоӣ бар «Атлетико» ғолиб омадааст. Ӯ дар ҳайати дастаи мунтахаби Португалия унвони чемпиони Аврупоро ба даст оварда, дар бозии ниҳоӣ бар дастаи мунтахаби Фаронса пирӯз шуд.
«Антуан Гризман дар ҳайати дастаи Атлетико то ба бозии ниҳоии Лигаи чемпионҳои Аврупо роҳхат гирифтааст. Дар Чемпионати Аврупо дар соли 2016 нишонзани беҳтарин эътироф шудааст»,-омадааст дар сомона.
Ба ҳамин тартиб FIFA ҳамкории худро 16 сентябр бо маҷаллаи «France Football» дар мавриди муайян кардан ва супоридани Ҷоизаи «Тӯби тиллоӣ» ба футболбози беҳтарини ҷаҳон, ки аз соли 2010 идома дошт, қатъ кард. Маҷалла минбаъд беҳтарин бозингари ҷаҳонро аз рӯи тартиботи нав муайян мекунад.
Табрикоти Федератсияи байналмилалии футбол ба Президенти Федератсияи футболи Тоҷикистон муҳтарам Рустами Эмомалӣ
Ҷаласаи якуми ҳайати нави Кумитаи иҷроияи Федератсияи футболи Тоҷикистон доир гардид
Шайх Салмон бин Иброҳим Ал-Халифа Рустами Эмомалиро ба муносибати президенти Федератсияи футболи Тоҷикистон интихоб гардидан табрик намуд
ФУТБОЛ. Дастаи мунтахаби духтарони Тоҷикистон (U-17) тими Арабистони Саудиро мағлуб намуд
Пешвои миллат Эмомалӣ Раҳмон Президенти Кумитаи миллии олимпии Тоҷикистон интихоб шуданд
Рустами Эмомалӣ дубора Президенти Федератсияи футболи Тоҷикистон интихоб шуданд
«ҶОМИ ПРЕЗИДЕНТИ ҶУМҲУРИИ ТОҶИКИСТОН». Дар Хуҷанд мусобиқаи дуюми байналмилалии гӯштингирӣ доир шуд
Баргузории чорбинии муштараки Тоҷикистон ва Ню-Йорк ба муносибати Рӯзи ҷаҳонии футбол дар соли 2025 баррасӣ шуд
Варзишгарони тоҷик дар Чемпионати Осиё соҳиби панҷ медал гардиданд
ЛИГАИ ОЛИИ ТОҶИКИСТОН. «Истиқлол» бар дастаи футболи «Равшан»-и шаҳри Кӯлоб ғолиб омад
ФУТБОЛ. Дастаи мунтахаби духтаронаи Тоҷикистон бо ҳамсолон аз Арабистони Саудӣ бозии дӯстона анҷом медиҳад
Варзишгари тоҷик Акмал Убайдов соҳиби медали тилло ва чемпиони Осиё гардид!
