НАМОЯНДАГОНИ ПАРЛУМОНИ МАМЛАКАТҲОИ АЪЗОИ САҲА ДАР ОСТОНА МУЛОҚОТ МЕКУНАНД

Дар он иштироки аъзои парлумонҳои 56 давлати аъзои САҲА пешбинӣ карда мешавад. Дар маҷлис масъалаҳои истифодаи оқилонаи захираҳои об, мубориза ба муқобили хариду фурӯши одамон, истифодаи бачагон барои ба даст овардани даромад, зӯроварӣ нисбати занон, таъмини амнияти пахши иттилоот ба воситаи Интернет ва муҳоҷират баррасӣ карда мешаванд. Мухбири АМИТ «Ховар» хабар медиҳад, ки маҷлиси Ассамблеяи парлумонии САҲА бори аввал дар Осиёи Марказӣ гузаронида мешавад. Дар он Эъломияи Остона қабул карда хоҳад шуд, ки тавсияҳоро роҷеъ ба проблемаҳои зикршуда дар бар мегирад.