Соли 2025 ба беш аз 77 ҳазор шаҳрванди хориҷӣ раводид дода шуд
ДУШАНБЕ, 07.02.2026 /АМИТ «Ховар»/. Соли 2025 ба 77 ҳазору 215 нафар шаҳрвандони хориҷӣ раводид дода шуд, ки аз густариши ҳамкории байналмилалӣ ва фаъолияти мунтазами хизматрасониҳои консулӣ шаҳодат медиҳад. Дар ин хусус Вазири корҳои хориҷии Ҷумҳурии Тоҷикистон 6 феврал зимни нишасти матбуотӣ оид ба натиҷаҳои фаъолияти Вазорати корҳои хориҷии Ҷумҳурии Тоҷикистон дар соли 2025 иттилоъ дод.
Таъкид гардид, ки вазорат дар доираи ваколатҳо фаъолиятро барои беҳтар намудани муносибатҳои консулии Тоҷикистон бо кишварҳои хориҷӣ, ҳимояи ҳуқуқ ва манфиатҳои шаҳрвандон ва шахсони ҳуқуқии Тоҷикистон дар хориҷа, инчунин таъмини саривақтии шаҳрвандони мамлакат бо шиносномаҳои миллӣ ва хориҷӣ, судури раводид ба шаҳрвандони хориҷӣ ва дигар хизматрасониҳои консулӣ идома дод.
Соли 2025 инчунин 602 дархости шахсони ҳуқуқӣ ва воқеӣ мавриди баррасӣ қарор гирифт, ки онҳо масъалаҳои гуногуни консулӣ ва ҳуқуқиро фаро мегирифтанд. 611 ҳазору 468 шиносномаи умумишаҳрвандии хориҷӣ ба расмият дароварда шуд, ки ба таъмини ҳаракати озоди байналмилалии шаҳрвандони Ҷумҳурии Тоҷикистон равона гардидааст. 523 ҳазору 92 шиносномаи шаҳрвандӣ (корти идентификатсионӣ) дода шуд, ки дар доираи сиёсати такмили низоми ҳуҷҷатгузории шаҳрвандон анҷом пазируфт. 1 ҳазору 487 ҳуҷҷати шахсони воқеию ҳуқуқӣ тасдиқ гардид, ки барои истифодаи ҳуқуқии онҳо дар хориҷи мамлакат аҳамияти амалӣ дорад. Ба 14 ҳазору 851 ҳуҷҷати шаҳрвандон апостил гузошта шуд.
АКС: АМИТ «Ховар»
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
