БОҒИ ФАРҲАНГУ ФАРОҒАТИ БА НОМИ РӮДАКӢ 25 АВГУСТ КУШОДА МЕШАВАД

Идораҳои муттасаддии шаҳру ноҳияҳо имрӯзҳо дар ин корхонаю муассисаҳо корҳои охирини тайёриро ба анҷом мерасонанд. Меҳмонхонаҳо ва биноҳои дигар, ки дар онҳо мулоқоту тадбирҳои идона баргузор мегарданд, ба қабули меҳмонон тайёранд. Имсол ҳамаи меҳмонон дар меҳмонхонаҳои «Тоҷикистон» ва «Ҳаёт Реҷенси» ҷой дода мешаванд, ки дар соҳили Кӯли ҷавонон қомат афтохтааст. Кохи Борбад низ ба гузаронидани ҷамъомадҳои идона пурра тайёр карда шуд. Инчунин ҳамаи кӯчаҳои марказӣ ва ташрифотӣ ба тартиб оварда шуданд. Бояд гуфт, ки симои боғи марказии фарҳангу фароғати шаҳр пурра тағйир дода шуд. Дар он фаввораҳои дорои сабти мусиқӣ ва гулгаштҳои нав бунёд карда шуданд. Ҳудуди боғ 12 гектар мебошад. Маросими расмии кушодашавии он 25 август баргузор мегардад.