МАШҚИ НИЗОМИ ТИБҚӢ НАҚША ГУЗАРОНИДА МЕШАВАД

Қисмҳои ҳарбие, ки дар давраҳои сеюму чоруми машқи муштарак иштирок мекунанд, айни ҳол дар минтақаҳои пешбинишуда, аз ҷумла, дар пойгоҳи низомии ба номи маршал Баграмян қарор доранд. Амалиёти қисмҳои ҳарбиро намояндагони вазоратҳои мудофиаи мамлакатҳои аъзои созмон мушоҳида мекунанд. Муншии умумии СААД Николай Бордюжа ба хабарнигорон гуфт, ки хабарҳои баъзе воситаҳои ахбори оммавӣ дар бораи бекор кардани қарори гузаронидани машқи низомӣ ғайр аз иғвогарӣ чизи дигаре нест. Ҳадафи он кӯшиши навбатии ҷудоиандозӣ дар созмон мебошад. Н.Бордюжа зикр намуд, ки айни ҳол гурӯҳи кормандони Котиботи созмон дар шаҳри Ереван қарор доранд. Онҳо ҷараёни машқи низомиро мушоҳида карда, баъдан дар омода сохтани маҷлиси Шӯрои вазирони мудофиаи мамлакатҳои аъзои СААД саҳм мегузоранд. Маҷлиси мазкур 21 август дар Ереван баргузор мегардад, гуфт Н.Бордюжа.