МУОВИНИ ДИРЕКТОР БАРОИ ФУРӮХТАНИ ЗАМИН ДАСТГИР ГАРДИД

Душанбе, 28 август. (АМИТ «Ховар», Мавҷуда Давлатзода).- Кормандони Раёсати Агентии назорати давлатии молиявӣ ва мубориза бо коррупсия дар вилояти Хатлон муовини директори ҷамъияти саҳомии «ХОНАСОЗ»-и шаҳри Сарбанд Юсуфҷон Раҳматовро бо ҷурми фурӯхтани замин ба шаҳрвандон дастгир намуданд. Тафтиш муайян намуд, ки номбурда моҳи феврали соли 2008 дидаю дониста бо роҳи фиреб аз истиқоматкунандагони шаҳри Сарбанд «Д» ном шахс 4800 доллари ИМА, аз «Р» ном шахс 3500 доллари ИМА ва «Т» ном шахс 700 доллари ИМА ва 100 сомонӣ барои ҷудо кардани қитъаҳои замини назди ҳавлӣ ришва гирифтааст. Бо ин кирдораш Ю. Раҳматов ба шаҳрвандон ба маблағи 9000 доллари ИМА ва 100 сомонӣ зарари моддӣ расонидааст. Нисбати Раҳматов аз тарафи шӯъбаи тафтишотии Раёсати Агентӣ дар вилояти Хатлон тибқи моддаи 247, қисми 3-и Кодекси ҷиноии Ҷумҳурии Тоҷикистон парвандаи ҷиноӣ оғоз гардида, тафтиши пешакӣ идома дорад.