ҒАЛЛАИ КОФӢ ИСТЕҲСОЛ ШУД

Душанбе, 18 сентябр. (АМИТ «Ховар», Лаззат Диловарзод).- Бино ба гуфти сардори Раёсати растанипарварии Вазорати кишоварзӣ Саймурод Баҳриддинов соли ҷорӣ ҳосили хуби гандум гирифта мешавад. Бино ба маълумоти ҳамин манбаъ, то 15 сентябри соли ҷорӣ аз масоҳати 220 ҳазору 389 гектар гандуми киштшуда, майдони 189 ҳазору 808 гектари он даравида шудааст, ки ин баробари 81,1 фоизи нақшаи пешбинишуда мебошад. Ҳосили 181 ҳазору 811 гектари даравидашуда кӯфта гирифта шудааст, ки ин нисбат ба ҳамин давраи соли гузашта 33 ҳазору 951 гектар зиёд аст. Ҳосилнокии ҳар гектар гандуми кӯфашуда 19 сентнериро ташкил дод. Ҳосили умумии гандуми кӯфташуда дар ҷумҳурӣ ба 345 ҳазору 111 тонна расонида шуд, ки дар муқоиса ба ҳамин давраи соли 2007 64 ҳазору 317 тонна зиёд мебошад.