ҶАМЪОВАРИИ САБЗАВОТ ОҒОЗ ЁФТ

Душанбе, 1 сентябр. (АМИТ «Ховар», Лаззат Диловарзод).- Бино ба маълумоти Раёсати кишоварзии ноҳияи Дарвози вилояти Мухтори Кӯҳистони Бадахшон аз даҳаи дуюми моҳи август ҷамъоварии сабзавот дар ин ноҳия оғоз ёфт. Ноҳия соли ҷорӣ дар майдони 20 гектар сабзавот кишт намуда, ҳосили хуби помидор бодиринг ва сабзӣ рӯёниданд. Хоҷагиҳои деҳқонӣ (фермерӣ) -и ноҳия аллакай аз майдони 10 гектар ҳосили сабзавотро ҷамъоварӣ намуданд. Дар ноҳия аз 521 тоннаи нақшавӣ — 224 тоннаи онро ҷамъоварӣ намуданд, ки ин баробари 44,4 фоизи нақша мебошад. Ҳосилнокӣ аз 1 гектар ба 249 сентнер расонида шудааст, ки нисбат ба соли 2007 5 сентнерӣ зиёд аст.