БОВАРӢ БА БОНКҲО

Душанбе, 10 сентябр. (АМИТ «Ховар», Лаззат Диловарзод).- Зиёд гардидани маблағҳои амонатӣ дар бонкҳо гувоҳи он аст, ки боварии мизоҷон ба бонкҳо рӯз аз рӯз меафзояд. Ҷамъияти саҳомии кушодаи «Агроинвестбонк»- и шаҳри Қӯрғонтеппа аз 1 июли соли ҷорӣ андозаи фоизи амонатҳои мӯҳлатнокро 25 фоиз муайян кард. Агар дар муддати нимсолаи аввал пасандози аҳолӣ дар дигар бонкҳо 1,9 маротиба зиёд шуда бошад, ин амал дар сарфилиали «Агроинвестбонк»- и шаҳри Қӯрғонтеппа 2,5 маротиба зиёд гардид, ки ин аз боварии мардум ба ин бонк дарак медиҳад. То охири моҳи июл маблағи умумии амонату пасандозҳо дар сарфилиали «Агроинвестбонк» ба 32,1 миллион сомонӣ расид, ки нисбат ба ҳамин давраи соли 2007 14,8 миллион зиёд аст.