БОЗ ЯК ҚУРБОНИИ МИНА

           Душанбе, 20 сентябр. (АМИТ «Ховар», Бекназари Абӯбакр). — Шаби 18 сентябр сокини 35-cолаи деҳаи Ҷонбулоқи ҷамоати Косатароши ноҳияи Панҷакент Амон Тӯраев дар сарҳади Тоҷикистону Ӯзбекистон, дар мавзеи Қарокамар, дар шафати кӯҳи ҳазрати Султони деҳаи Моғиён бо мина бархӯрд ва дар натиҷаи таркиш ҳалок шуд.            Амон Тӯраев чӯпон буда, барои чаронидани чорво ба ин мавзеъ омада буд. Ду нафар ҳамроҳи ӯ осеб надиданд. Аз рӯи маълумоти расмӣ, соли равон дар минтақаҳои гуногуни сарҳади мамлакат 57 нафар ба мина бархӯрда, дар натиҷаи таркиш 37 кас ҳалок шуд.