ИБРОҲИМ УСМОНОВ 60 – СОЛА ШУД

Душанбе, 11 сентябр. (АМИТ «Ховар», Людмила Дубинина). — 10 сентябр ба муносибати 60 – солагии рӯзи таваллуди арбоби намоёни илму техникаи Тоҷикистон, профессор, доктори илми таърих, мудири кафедраи журналистикаи байналхалқии Донишгоҳи давлатии миллии Тоҷикистон Иброҳим Усмонов конфронси илмӣ баргузор гардид. Мухбири АМИТ «Ховар» хабар медиҳад, ки И. Усмонов факултаи журналистикаи донишгоҳи мазкурро хатм карда, таҳсилро дар шӯъбаи аспирантураи Донишгоҳи давлатии Маскав ба номи М.Ломоносов давом додааст. Профессор Асадулло Саъдуллоев ба ҷамъомадагон дар бораи саҳми И.Усмонов дар пешрафти соҳаи журналистика ва омода сохтани кадрҳои ҷавон нақл кард. Бахшида ба ҷашни зодрӯзи И.Усмонов маҷмӯаи мақолаҳо таҳти унвони «Озодамард» аз чоп баромад. Дар он хабару мақолаҳои шогирдону ҳамкорон ва сиёсатмадорони мамлакат дар бораи фаъолияти илмию эҷодии Иброҳим Усмонов гирд оварда шудаанд. Аз соли 1993 узви раёсати Ассотсиатсияи байналхалқии журналистон ва аз соли 1974 узви Иттифоқи журналистони Тоҷикистон мебошад.