КАМБУДИ ГАЗИ ТАБИӢ ДАР ШАҲРИ КӮЛОБ

Кӯлоб, 1 август. (АМИТ «Ховар», Сулаймон Холов). – Сардори ҷамъияти саҳомии «Кӯлобгаз» Хайрулло Ҳабибуллоев зимни сӯҳбат бо мухбири АМИТ «Ховар» зикр кард, ки айни ҳол танҳо 9 фоизи аҳолии шаҳри Кӯлоб аз гази табии истифода меба-раду халос. Вай қайд кард, ки конҳои гази Хоҷасартез ва Бештентоқ дар давоми ду со-ли охир тармим карда шаванд ҳам, аммо маҳсулнокии онҳо ниҳоят ночиз мебошад. Ба қавли Х. Ҳабибуллоев, барои таъминоти пурраи аҳолии шаҳр дар як шабонарӯз аз 65 то 70 ҳазор метри мукааб гази табиӣ лозим аст. Ҳол он ки айни ҳол ба шаҳр ҳамагӣ дар як шабонарӯз 6 ҳазор метри мукааб газ дода мешавад. Қайд карда шуд, ки идораи «Кӯлобгаз» барои дар фасли зимистон таъмин намудани аҳолӣ миқдори зару-рии гази моеъ ва фишурдаро захира хоҳад кард.