МАШВАРАТИ КОРИИ НАЗДИ ПРЕЗИДЕНТИ ҶТ Э. РАҲМОН

Президенти Ҷумҳурии Тоҷикистон Эмомалӣ Раҳмон бо масъулини Ҳукумати Ҷумҳурии Тоҷикистон, Дастгоҳи иҷроия ва Мушовирони давлатии Сарвари давлат,  роҳбарони як ќатор вазорату идораҳои кишвар ва дигар шахсони дахлдор машварати корӣ намуд. Дар машварат масоили вобаста ба моҳи шарифи Рамазон ва вусъати фаъолияти бунёдкорию созандагӣ баррасӣ шуд.Сарвари давлат Эмомалӣ Раҳмон баҳри таъмини аҳолӣ бо маводи сўхт, аз ҷумла барќ ва гази моеъ ва таъмини фаровонии маводи ғизоӣ дар бозори истеъмолӣ дар моҳи шарифи Рамазон ва зимистони пешомад ба масъулин дастуру супоришҳои ќатъӣ дод.Ҳамчунин таъкид гардид, ки дар ин моҳи муборак кўмакҳои хайрияи маќомоти давлатию ҷамъиятӣ ва хайроту садаќоти саховатмандон бояд ба ятимону бепарасторон, пирону барҷомондагон ва эҳтиёҷмандони воќеӣ бештар гарданд, то ки онҳо худро танҳою бекас эҳсос накунанд.