МАВСИМИ НАВИ ТЕАТРӢ ОҒОЗ МЕЁБАД

Душанбе, 11 сентябр. (АМИТ «Ховар», Темур Бандишоев). – Пагоҳ, 12 сентябр дар Театри драммавии русии ба номи В.Маяковский мавсими нави театрӣ оғоз меёбад. Мухбири АМИТ «Ховар» хабар медиҳад, ки ҳунарпешагони театр дар оғози мавсим асарҳои нави саҳнавиро пешкаши тамошобинон мегардонанд. Пагоҳ баъди маросими кушодашавии мавсими нав дар театр асари саҳнавии «Ишқи парӣ» намоиш дода мешавад. 16 сентябр дар театри мазкур асари саҳнавии «Ниёиш» — и коргардон Барзу Абдураззоқов, 17 сентябр асари саҳнавии «Тасаллобахши занон» ва 18 сентябр асари саҳнавии «Панҷ зани Хоҷа Насриддин» намоиш дода хоҳанд шуд.