ТАЛАБАГОН МОШИНДУЗДӢ МЕКУНАНД

Душанбе, 17 сентября. (АМИТ «Ховар», Мавҷуда Давлатзода).- Истиқоматкунандаи кӯчаи Лучоби пойтахт Азиз Хушвақтови 26-сола ба шӯъбаи корҳои дохилии якуми ноҳияи Сино ариза дода, шикоят кард, ки 16 майи соли ҷорӣ шаҳрвандон Хуршеди Тиллои 18-сола ва Валиҷон Қурбонови 17-сола истиқоматкунандагони кӯчаи Пахтакор талабагони мактаби миёнаи №50 дар бозори мошин мошини шахсии ӯ «Тайота-Марк 2» (рақами давлатиаш ВТ 3348 РТ 01)-ро дуздида бурданд. Мошиндуздон дар кӯчаи Раҳмон Набиев ба садамаи нақлиёти дучор гардида, мошинро ғайри қобили истифода гардонданд. Дар натиҷа ба соҳиби мошин ба маблағи 6 ҳазору 300 доллари амрикоӣ зарари моддӣ расонида шуд.