БАРРАСИИ МАСЪАЛАИ МАҚОМИ ҲАМОҲАНГСОЗИ СТРАТЕГИЯИ РУШДИ ИҚТИСОДИИ ИДМ

Бишкек, 2 октябр. (АМИТ «Ховар», Наргис Бойахмедова).- Дар пойтахти Қирғизистон — шаҳри Бишкек машварати роҳбарони муассисаҳои давлатии илму техникаи мамлакатҳои ИДМ баргузор мегардад, ки дар он намояндагони Ассотсиатсияи байналхалқии академияҳои илмӣ ширкат меварзанд. Дар машварат масъалаҳои таъсиси маркази байнидавлатии дастовардҳои нави илмии технологияи зарравӣ дар заминаи Пажӯҳишгоҳи муттаҳидаи таҳқиқоти ядроии Дубна ва ташкили сохтори воҳиди илмӣ ва таҳқиқотии давлатҳои ИДМ баррасӣ карда мешаванд. Илова бар ин ташкили мақоми ҳамкорӣ дар соҳаи таҳқиқоти илмию дар ИДМ мавриди муҳокима карда мешавад. Ҳадафи он ба роҳ андохтани ҳамкорӣ дар соҳаи муайян кардани самтҳои ҳамкории давлатҳо, инчунин масъалаҳои стратегии рушди иқтисодиёт ва илми мамлакатҳои ИДМ дар давраи то соли 2020 мебошад. Дар машварат намояндагони муассисаҳои илмии Русия, Тоҷикистон, Ӯзбекистон, Қирғизистон, Украина ва Белорусия иштирок доранд.