ИСТЕҲСОЛИ МОҲӢ ДАР ҶУМҲУРӢ

               Душанбе, 28 октябр. (АМИТ «Ховар», Лаззат Диловарзод).- Бино ба гуфти сардори Корхонаи воҳиди давлатии «Моҳии Тоҷикистон» Аҳмадҷон Гафуров, дар соли 2008 8 хоҷагии калони моҳипарварӣ ва 10 хоҷагии инфиродии моҳипарвар сабти ном гардидааст.              Бо мақсади ривоҷи соҳа, «Барномаи рушди соҳаи моҳипарварӣ барои солҳои 2009- 2015» аз ҷониби Ҳукумати ҷумҳурӣ тасдиқ гардид.             Ҳукумати ҷумҳурӣ баҳри амалӣ шудани барнома аз буҷаи ҷумҳурӣ ҳамасола то соли 2015 ба андозаи 300 ҳазор сомонӣ маблағ ҷудо менамояд.             Хоҷагиҳои моҳипарвари ҷумҳурӣ дар нӯҳ моҳи соли ҷорӣ истеҳсоли моҳиро ба 131 тонна расониданд, ки ин нисбат ба ҳамин давраи соли 2007 6% зиёд мебошад.