СОЛИ ОЯНДА ДАР ПОЙТАХТ 17 СТАНСИЯИ НАСОСИИ ОБКАШОНИ СОХТА МЕШАВАД

                 Душанбе, 20 октябр. (АМИТ «Ховар», Марзия Саидова).-Соли оянда дар пойтахт 17 стансияи насосии обкашонӣ сохта мешавад, ки онҳо барои обёрии дарахтону гулу буттаҳои хиёбону боғҳо ва дарахтзорони пойтахт истифода бурда мешаванд, гуфт дар ҷараёни иҷлосияи шаҳрӣ сардори раёсати ободонии шаҳри Душанбе Акбар Фаёзов. Ҳадаф аз амалӣ намудани ин иқдом сабзу хуррам гардонидани пойтахт ва аз хушкшавӣ нигоҳ доштани буттаю дарахтони он мебошад. Тобистони соли равон бо сабаби яку якбора аз меъёр гарм шудани ҳаво баъзе аз дарахтони боғу ҳои пойтахт хушкиданд ва ин ҳолат масъулини соҳаро водор сохтааст, ки нисбати ин масъала тадбирҳои мушаххас андешанд.                 Ҳамзамон раёсати ободонии пойтахт тасмим гирифтааст, ки дар кӯчаю хиёбонҳои шаҳр гулу бутта ва дарахтони сояафкану ороишиеро шинонанд, ки ба иқлими Душанбе мутобиқ буда, бо таровату шукуфоии худ ба ҳусни пойтахт ҳусни тозае зам намоянд.