РОҲИ МОШИНГАРДИ МУРҒОБ – ҚУЛМА БАСТА ШУД

         Душанбе, 2  декабр. (АМИТ «Ховар»,   Мавуна  Бойева). – Роҳи  мошингарди  Мурғоб – Қулма – Қароқорум,  ки  Тоҷикистону  Ҷумҳурии  Мардумии  Чинро  ба  ҳам  мепайвандад,  аз  1  декабр  баста  шуд. Аз  Вазорати  нақлиёт  ва  алоқаи   ҷумҳурӣ   ба АМИТ  «Ховар»  хабар  доданд, ки   роҳи  мазкур  то моҳи майи  соли   оянда  баста  мешавад. Ҳадафи  ин  тадбир  таъмини  амният  дар  роҳҳои  кӯҳистон  мебошад. Мухбири  АМИТ «Ховар»  ёдовар  мешавад, ки  роҳи  мошингарди  Мурғоб – Қулма соли  2004  кушода шуда буд.