СЕВИНЧ ДАР БАЗМИ СОЛИНАВИИ ХУҶАНД ҲУНАРНАМОӢ МЕКУНАД

Душанбе, 23 декабр. (АМИТ «Ховар», Бекназари Абӯбакр). — Дар чорабиниҳои солинавии шаҳри Хуҷанд овозхони шинохтаи эстрадаи Ӯзбекистон Севинч Мӯъминова иштирок мекунад.            Ӯ тайи ду рӯз, 24-25-уми декабр дар яке аз тарабхонаҳои шаҳри Хуҷанд дар базми солинавӣ ҳунарнамоӣ хоҳад кард. Дар баробари ин, дар назар аст, ки овозхони дигари маъруфи Ӯзбекистон Шералӣ Ҷӯраев низ дар арафаи Соли Нав ба Хуҷанд ташриф орад. Ҳунарнамоии ӯ 26-уми декабр дар «Кохи Рӯдакӣ» баргузор хоҳад гашт.