СОХТМОН ИСЛОҲТАЛАБ АСТУ МАҚОМОТИ МАҲАЛЛӢ ЧОРАҶӮӢ НАКАРДА А

        Душанбе, 2 декабр. (АМИТ «Ховар», Мавзуна Бойева).- Нақшаи генералии маркази ноҳияи Роштқалъаи ВМКБ дар солҳои 1970-1980 таҳия шудааст, вале барои омода кардани он мақомоти маҳаллии ҳокимияти давлатӣ то ҳол чораҷӯӣ накардаааст. Тавре ба мухбири АМИТ «Ховар» муовини аввали директори Агентии сохтмон ва меъмори назди Ҳукумати Ҷумҳурии Тоҷикистон Мирзоҳисайн Султонов итиллоъ дод, азнавсозии Беморхонаи марказии ноҳия асноди лоиҳавию хароҷотӣ надорад. Сифати андоваи сементӣ паст буда, ислоҳталаб аст.       Сангдевори бинои Шӯъбаи маорифи ноҳия бе панҷараи симин сохта шудааст. Сохтмони мактаби №7-и деҳаи Бодоми ноҳия хулосаи мусбати ташхиси лоиҳа ва сертификати сифатнокии масолеҳи сохтмониро надорад.