БА СУДҲОИ ТОҶИКИСТОН 8124 ПАРВАНДАҲОИ ҶИНОӢ ВОРИД ШУДААСТ
Душанбе, 29 январ. (АМИТ «Ховар», Анварбек Сиддиқов).- «Тибқи маълумотҳои оморӣ соли 2008 ба судҳои ҷумҳурӣ 8124 адад парвандаҳои ҷиноӣ ворид шудааст, ки ин нишондод нисбат ба соли 2007 265 адад зиёд мебошад»,- зикр намуд зимни нишасти матбуотӣ раиси Шӯрои адлияи Ҷумҳурии Тоҷикистон Шермуҳаммад Шоҳиён. Зиёд шудани миқдори парвандаҳо дар муқоиса ба соли 2007 ин маънои онро надорад, ки сатҳи ҷиноят дар соли сипаришуда зиёд гаштааст. Ин ифодагари он аст, ки парвандаҳои ҷиноие, ки солҳои пеш ба судҳо ирсол карда шуда буданд, бо сабабҳои гуногун ба тафтишоти иловагӣ баргардонида шудаанд, қайд кард Ш. Шоҳиён. Аз ҷумла, дар судҳои ҷумҳурӣ парвандаҳои ҷиноӣ вобаста ба муомилоти ғайриқонунии маводи нашъадор 747 адад, характери коррупсионӣ 560 адад, нисбати аъзои ғайриқонунии «Ҳизб-ут-Таҳрир» 15 адад баррасӣ гардиданд. Инчунин номбурда зикр кард, ки судҳои ҷумҳурӣ дар мустаҳкамӣ ва пойдории давлати демократию ҳуқуқбунёд, ҳифзи ҳуқуқу озодиҳои инсон ва шаҳрванд, оромию субот, бунёди ҷомеаи шаҳрвандӣ ва таҳкими ваҳдати миллӣ бо роҳи баровардани адолати судӣ тавассути қабули ҳукму ҳалномаҳои қонунӣ ва адолатнок саҳми босазо доранд. Ҳокимияти судӣ вобаста ба таъмини адолати судӣ, ки аз Конститутсияи Ҷумҳурии Тоҷикистон бармеояд, волоияти қонун, мубориза бар зидди ҷинояткорӣ, терроризми байналхалқӣ, экстремизми сиёсию динӣ ва таъмини рушди иқтисодию иҷтимоии кишвар, дар ҷомеа мавқеи хоса дорад.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
