БАР АСАРИ ОФАТҲОИ ТАБИӢ СОЛИ 2008 ДАР ҶУМҲУРӢ 1955 ХОНА ХАРОБ ГАРДИД

                  Душанбе, 22 январ. (АМИТ «Ховар»). — Дар соли 2008 дар ҷумҳурӣ 2601 ҳолатҳои фавқуллода ба амал омадааст, аз онҳо 117 ҳодисаи табиӣ ва 2484 ҳолатҳои фавқуллодаи характери техногенидошта мебошанд. Дар натиҷаи ҳодисаҳои табиӣ 18 шаҳрванди ҷумҳурӣ ба ҳалокат расид, зикр гардид, — дар нишасти матбуотие, ки 22 январ дар Кумитаи ҳолатҳои фавқуллода ва мудофиаи граждании назди Ҳукумати Ҷумҳурии Тоҷикистон баргузор гардид. Ҳамчунин қайд карда шуд, ки дар давраи ҳисоботӣ дар натиҷаи риоя накардани қоидаҳои бехатарӣ ҳангоми шиноварӣ дар дарёҳо ва кӯлҳо 94 шаҳрванди ҷумҳурӣ ҳалок гардид. Бар асари офатҳои табиӣ дар ҷумҳурӣ 1955 адад хонаҳо ба маблағи 3 млн. 4 ҳазору 500 сомонӣ зарар диданд, 114 хона пурра хароб гардид.                  Маблағи умумии хисорот аз офатҳои табиӣ 93 млн. 257 ҳазору 600 сомониро ташкил намуд. Мутобиқи нақшаи дурнамои кӯчонидани хоҷагиҳои шахсии Ҷумҳурии Тоҷикистон, ки дар давраи солҳои 2005-2010 таҳти таъсири равандҳои экзогенӣ қарор дорад, соли гузашта 534 хоҷагӣ кӯчонида шуд.                Дар ҳамкорӣ бо сармоягузорони ташкилотҳои байналхалқии «ОКСФАМ»- и Британияи Кабир, «Миссияи Шарқ»- и Дания, «ХИЛСВЕРГ»- и Австрия ва «АКТЕД»-и Олмон чорабиниҳо оиди тайёр намудани наҷотдиҳандагони ҷамъиятиро ба роҳ монда, дар шаҳру ноҳияҳои ҷумҳурӣ зиёда аз 506 нафар наҷотдиҳандагони ҷамъиятӣ ба омӯзиш ҷалб карда шуданд.                 Гурӯҳи наҷотдиҳандагони Кумита дар машқи байналхалқии «КазСпас», аз миёни 18 корманда ба гирифтани ҷои 4 ноил гардид.               Кумита «Барномаи рушди соҳаи ҳолатҳои фавқулодда ва мудофиаи граждании Ҷумҳурии ТоҷикистонТ барои солҳои 2009-2014»- ро таҳия намуд, ки татбиқи бандҳои он соли ҷорӣ амалҳад гардид.