БОНУВОНИ ТОҶИК БА ТАХТИ ҶАМШЕД МЕБАРОЯНД

             Душанбе, 21 январ.(АМИТ «Ховар», Марзия Саидова).-Ҳайати бонувони тоҷик, ки аз кормандони Кумитаи кор бо занон ва оилаи назди Ҳукумати ҷумҳурӣ, мудирони шӯъбаҳои кор бо занон ва оилаи шаҳру ноҳияҳои ҷумҳурӣ ва роҳбарони созмонҳои ғайридавлатии мамлакат иборат буд, озими шаҳри Теҳрон шуданд.             Сафари бонувони тоҷик ба ин кишвар бо даъват ва мусоидати Созмони фарҳангӣ ва иртибототи исломии Эрон сурат гирифт. Муддати як ҳафта занони тоҷик бо паҳлӯҳои гуногуни ҳаёти занони эронӣ шинос мешаванд.             Онҳо дар Маркази занон ва хонаводагии ин кишвар бо масъулон ва кормандон он мулоқот намуда, бо фаъолияти ин марказ ва дигар созмонҳои ғайридавлатие, ки ба масъалаҳои занон марбутанд, шинос мешаванд.            Инчунин, ҳайати бонувони тоҷик ба шаҳри Шероз рафта, аз ёдгориҳои беназири фарҳангию таърихии ин шаҳри қадима, бахусус Тахти Ҷамшед дидан менамоянд.