ИСТЕҲСОЛИ ФЕРОТИТАН БА 2900 ТОННА РАСОНИДА МЕШАВАД

           Душанбе, 14 январ. (АМИТ «Ховар», Лаззат Диловарзод).- Бино ба гуфти директории  кулли Комбинати фулузоти нодири Суғд Маҳмудҷон Холиқов, соли 2009-ум истеҳсоли маҳсулоти комбинати мазкур аз 200 тонна дар як моҳи  соли 2008,   дар соли 2009 ба 250 тонна расонида мешавад. Дар сехҳои корхона якчанд намуди омехтаи металлҳои гуногунро истеҳсол мекунанд. Аз ҳама бештар феротитан истеҳсол карда мешавад, ки барои корхонаҳои металлургӣ ва маъданобкунӣ аҳамияти зиёд дорад. Ашёи хомро коргоҳ аз ширкати Handelsdes MBH-и Австрия дастрас мегардонад.         Комбинати мазкур дуюнимсол пеш аз нав эҳё карда шуд. Комбинат дар давом соли 2005 ҳамагӣ 74 тоннна металл истеҳсол   карда бошад, соли 2008-ум истеҳсоли ҳармоҳаи маҳсулоташро  ба 200 ва соли 2009 ба 250 тонна дар як моҳ хоҳад расонд. Ин нақша дар сурате амалӣ мешавад, ки қатъи нерӯи барқ ба комбинат аз миён бардошта шавад.