НАМОЯНДАИ ҲХДТ ВА ҲНИТ БО ҲАМ ҚУВВА МЕОЗМОЯНД

                                                                  Душанбе, 9 январ.(АМИТ «Ховар», Марзия Саидова).-8 –уми феврал дар ҳавзаи якмандатии интихоботии №4- и ноҳияи Синои шаҳри Душанбе  интихоботи  вакили Маҷлиси намояндагони Маҷлиси Олии Ҷумҳурии Тоҷикистон ба ҷои вакили хориҷшуда баргузор мегардад. Назар ба иттилоъи роҳбари Дастгоҳи Комиссияи марказии интихобот ва райъпурсии ҷумҳурӣ Муҳибулло Додоҷонов,  алҳол ду номзад аз ду ҳизби сиёсии кишвар ҷиҳати иштирок дар интихобот ба қайд гирифта шуда, корҳои тарғиботии пешазинтихоботӣ мебаранд. Инҳо намоянда аз Ҳизби Халқи-Демократии Тоҷикистон Амир Катаев -собиқ ректори Донишгоҳи технологии Тоҷикистон ва Додихудо Абдулов мудири шӯъбаи Ҳизби Наҳзати Исломии Тоҷикистон мебошанд.Бояд тазаккур дод, ки қаблан аз ҳавзаи интихоботии якмандатаи №4-и ноҳияи Синои пойтахт  Каримҷон Қодиров дар палатаи поёнии парлумони мамлакат намояндагӣ мекард. 10 ноябри соли 2008  ӯ бо Қарори  Ҳукумати Ҷумҳурии Тоҷикистон ректори Донишгоҳи давлатии шаҳри Кӯлоб таъин гардид.