АЛЛАКАЙ 569 ГЕКТАР БОҒИ НАВ БУНЁД ШУД

                   Душанбе, 10 феврал. (АМИТ «Ховар», Лаззат Диловарзод).- Бино ба маълумоти маркази матбуот ва иттилооти Вазорати кишоварзӣ, тибқи барномаи бунёди боғу токзорҳо, соли ҷорӣ дар майдони 1465 гектар боғҳои нав бунёд карда мешавад.                   То 9-уми феврали соли ҷорӣ дар вилоятҳо ва шаҳру навоҳии ҷумҳурӣ дар майдони 569,3 гектар боғҳои нав бунёд карда шудааст, ки ин баробари 38,7 фоизи нақшаи бунёди боғҳои навро ташкил медиҳад. Тибқи барнома, барқарор кардани 558 гектар боғҳои кӯҳна ва 287 гектар токзорҳо дар назар дошта шуда бошад ҳам, аммо то имрӯз амалӣ шудани он оғоз наёфтааст.