БАРҚАРОРСОЗИИ БОҒУ ТОКЗОРҲО

                Душанбе, 27 феврал. (АМИТ «Ховар», Лаззат Диловарзод).- Аз Раёсати растанипарварии Вазорати кишоварзӣ иттилоъ доданд, ки дар ҷумҳурӣ баҳри амалӣ сохтани барномаи боғу токзорҳо дар ҳамаи хоҷагиҳои кишоварзӣ пешравии корҳо мушоҳида мешавад.                То 10-уми феврали соли 2009 аз нақшаи бунёди 1465 гектар боғҳои нав 1040 гектар ва аз 498 гектар токзорҳои ба нақшагирифташуда, дар майдони 317 гектар токзорҳо бунёд карда шудааст, ки мутаносибан ба 70,9 ва 64 фоиз баробар аст.                  Барномаи барқарорсозии боғҳои кӯҳна 558 гектар ва токзорҳо 287 гектарро ташкил медиҳад.То 23-юми феврал ҳамагӣ 53 гектар боғҳои кӯҳна барқарор карда шудааст.