БАРҚИЯИ ШОДБОШИИ Э. РАҲМОН УНВОНИИ М. АҲМАДИНАЖОД

Имрўз Президенти Ҷумҳурии Тоҷикистон Эмомалӣ Раҳмон унвонии Раиси Ҷумҳурии Исломии Эрон Маҳмуди Аҳмадинажод бинобар солгарди Инқилоби Исломии кишвараш барқияи шодбошӣ ирсол намуд, ки дар он аз ҷумла омадааст:Ифтихор дорам, ки Ҷаноби Олӣ ва аз тариқи Шумо ҳукумат ва мардуми дўсту бародари Ҷумҳурии Исломии Эронро ба муносибати фаро расидани ҷашни сиюмин солгарди Инқилоби Исломӣ табрик ва таҳният гўям.Дастовардҳое, ки Эрон таи солҳои ахир ба даст овардааст, зимни таъмини зиндагии борафоҳият барои мардуми кишвар мўҷиби ба таври бесобиқа боло рафтани обруву нуфузи Ҷумҳурии Исломӣ дар арсаи байналмилалӣ гаштааст. Рушди сареи иқтисод, амну истиқрори кишвар ва ба кайҳон баровардани моҳвораи миллӣ тавассути мушаки эронӣ шоҳиди ин гуфтаҳоянд.Дар Тоҷикистон ба густариши муносибатҳои дўстона ва ҳамкориҳои судманд бо Ҷумҳурии Исломии Эрон аҳамияти хоса медиҳанд. Итминон дорам, ки истифодаи бештари ду ҷониб аз тамоми имкониятҳои мавҷуда дар роҳи таҳкиму таъмиқи равобити ҳасанаи ду кишвар комёбиҳои ҷадид ба бор хоҳад овард.Ба Ҷаноби Олӣ бурдборӣ, муваффақият ва пирўзиҳои нав ба нав, ба мардуми бародар хонаи обод ва ба кишвари дўст сулҳу субот ва пешравиҳо орзумандам.