ТАҶЛИЛИ РӮЗИ ҲОМИЁНИ ВАТАН ДАР ҚИРҒИЗИСТОН

              Бишкек, 23 феврал. (АМИТ «Ховар» — Кабар). — Имрӯз дар Ҷумҳурии Қирғизистон рӯзи ҳомиёни ватан ботантана ҷашн гирифта шуд. Рӯзи ҳомиёни ватан соли 2003 дар Қирғизистон иди давлатӣ ва рӯзи истироҳат эълон шуда буд. Ҳукумати ҷумҳурӣ бо мақсади тарбияи ҳарбию ватандӯстии насли наврас, муҳайё сохтани шароит барои эҳтироми ҳамаҷонибаи ветеранҳои ҷанг ва баланд бардоштани мақоми Қувваҳои мусаллаҳ моҳи январи соли 2003 дар ин бора қарор қабул кард.