ТАЪСИСИ МИНТАҚАҲОИ НАВИ ОЗОДИ ИҚТИСОДӢ ДАВОМ ДОРАД

               Душанбе, 26 феврал. (АМИТ «Ховар», Кристина Эрлих ). — Вазорати рушди иқтисод ва савдои ҷумҳурӣ барномаи «Ташкили минтақаҳои озоди иқтисодии «Ишкошим» ва «Данғара» — ро барои муҳокима ба Ҳукумати мамлакат пешниҳод намуд, ки бо вазорату идораҳои дахлдор мувофиқа карда шудааст. Ҳадафи барнома тезонидани ҷараёни ташкили минтақаҳои озоди иқтисодӣ мебошад, ки дар ин бора Ҳукумати мамлакат 5 марти соли 2008 қарор қабул карда буд.               Айни ҳол тадбирҳои марбут ба ташкили минтақаҳои нави озоди иқтисодӣ давом доранд. Минтақаҳои озоди иқтисодӣ дар Ишкошим ва Данғара ба мӯҳлати 25 сол ташкил карда мешаванд. Фаъолияти онҳо барои тезонидани рушди иқтисодиёти мамлакат, ҷалби бештари сармояи хориҷӣ, истифодаи технологияҳои пешқадам ва омӯзиши таҷрибаи тиҷорат, бо кор таъмин намудани аҳолии маҳаллӣ шароит муҳайё месозад.